میرے سفر کا زیادہ تر حصہ بلوچستان میں ہے۔ رقبے کے لحاظ سے یہ پاکستان کا سب سے بڑا صوبہ ہے اور کسی بھی سیاح کے لئے یہاں سب سے زیادہ ورائٹی ہے۔
بلوچستان کی منفرد خوبصورتی
میں اگر برف باری انجوائے کرنا چاہوں تو یہاں آسکتا ہوں۔ یہاں صحرا بھی ہیں اور ان کی شاندار سینڈ ڈیونز۔ مکران کوسٹل ہائی وے کے خوبصورت ساحل بھی مجھے متاثر کرتے ہیں۔
یہاں آبشاریں بھی ہیں اور اگرخشک پہاڑ دیکھنے کی خواہش ہو تو ہنگول نیشنل پارک سے بہتر کوئی جگہ نہیں۔
یہاں کے لوگ مہمان نوازی اور اچھی کمپنی میں بھی اپنا ثانی نہیں رکھتے۔ میں یہاں کے سورج غروب ہونے کے منظر کو بھی انجوائے کرتا ہوں۔
سچ تو یہ ہے کہ بلوچستان کسی بھی فیملی کو ایک مکمل پیکج آفر کرتا ہے اور سال کے ہر سیزن میں یہاں آیا جاسکتا ہے۔